Dilkii Jamaal Khashuqji: Habkii Kiisku uga guuray Turkiga ilaa Sucuudiga iyo waxa kasoo kordhay illaa hadda

2-dii Oktoobar 2018, weriye Jamaal Khashuqji, oo degganaa Maraykanka, ayaa galay qunsuliyadda dalkiisa ee ku taalla Istanbuul halkaas oo lagu dilay. Kiiska ayaa sanadihii xigay soo jiitay indhaha caalamka, iyadoo warar is khilaafsan ka soo baxayeen sida uu u dhintay, meesha laga helay maydkiisa, iyo cidda ka dambeysay dilka.

Mas’uuliyiinta Sacuudiga waxay ku andacodeen in weriyuhu lagu dilay “howlgal qas ah” oo koox gaar ah fulisay si loogu qanciyo inuu ku laabto boqortooyada, halka Turkigu uu ku dooday in howlgalka uu ahaa amar ka yimid heerarka ugu sarreeya ee dowladda Sacuudiga.

7-dii Abriil 2022, garsoorka Turkigu wuxuu go’aamiyay in dacwadda maxkamadeynta eedeysanayaasha dilka Jamaal Khashuqji loo wareejiyo hay’adaha garsoorka Sacuudiga, taasoo micnaheedu yahay in Turkigu uu kiiska ka xiray dhinaciisa. Go’aanka waxaa soo saartay Maxkamadda Dambiyada Culus ee 11-aad ee Istanbul, iyadoo 26-kii eedeysane aysan kasoo qeyb galin fadhiga maxkamadda.

Kiiskani weli waa mid xiiso leh oo dib u eegis caalami ah lagu sameynayo, maadaama uu saamayn weyn ku yeeshay xiriirka caalamiga ah ee Sacuudiga iyo Turkiga, iyo sidoo kale su’aalaha ku saabsan xuquuqda saxaafadda iyo amniga weriyeyaasha