Magacaabis Cusub oo Lagu Sameeyay Agaasimeyaasha Guud ee Wasaaradaha Xukuumadda JFS

 

Muqdisho, 1-da April 2026 – Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, ayaa maanta magacaabis isweeydaarin ah ku sameeyay agaasimeyaasha guud ee qaar ka mid ah wasaaradaha xukuumadda Dan Qaran. Tallaabadan ayaa loo qaaday si loo dardargaliyo hawlihii socday ee dowladda.

Mudane Xamsa Cabdi Barre, oo ku dhaqmaya qodobada 119-aad, farqada (D) ee Dastuurka Jamhuuriyadda Federaalka Soomaaliya, ayaa magacaabay agaasimeyaasha cusub ee hoos ku xusan:

Mudane Yuusuf Cali Maxamed – Xoghayaha Joogtada ah ee Wasaaradda Gaashaandhigga.

Mudane Maxamed Saney Dalmar – Agaasimaha Guud ee Wasaaradda Arrimaha Shaqada iyo Bulshada.

Mudane Cabdifataax Cabdiqaadir Faarax – Agaasimaha Guud ee Wasaaradda Qorsheynta, Maalgashiga iyo Horumarinta Dhaqaalaha.

Mudane Guuleed Cabdijaliil Cali – Agaasimaha Guud ee Wasaaradda Xanaanada Xoolaha, Dhirta iyo Daaqa.

Mudane Yuusuf Xasan Isaaq – Agaasimaha Guud ee Wasaaradda Caafimaadka iyo Daryeelka Bulshada.

Mudane Maxamed Xasan Shire – Agaasimaha Guud ee Wasaaradda Amniga Gudaha.

Ra’iisul Wasaaraha ayaa tilmaamay in magacaabistaan ay qayb ka tahay dadaallada dowladda ee lagu horumarinayo hufnaanta, isla markaana lagu xaqiijinayo in wasaaraduhu si waafaqsan qorshaha qaran u gutaan waajibaadkooda.

Waxa la filayaa in agaasimeyaashan cusub ay si dhaqso leh u bilaabaan hawlaha shaqo ee wasaaradahooda, iyagoo ka shaqeynaya horumarinta adeegyada bulshada iyo maamul wanaagga dalka.

#Somalia #Muqdisho #XukuumaddaJFS #Ra’iisulWasaarahaSomalia #Magacaabis #DowladdaSomalia #WasaaradahaSomalia #HorumarintaDhaqaalaha #AmnigaGudaha #CaafimaadkaSomalia